کراچی کے علاقے گلشن حدید فلک ناز سوسائٹی کے ایک فلیٹ سے 5 افراد کی لاشیں ملیں ہیں
لاشوں کی شناخت 30 سال کے شاہ زیب ،28 سال کی صبا ، 20 سال کی شمائلہ ،5 سال کی ایزل ،3 سال کی آریہ کے نام سے ہوئی . شاہزیب اور صبا میاں بیوی تھے جبکہ شمائلہ شاہ زیب کی بہن اور ایزل و آریا شاہزیب و صبا کے بچے تھے
پورے خاندان نے مالی حالات سے تنگ آ کے خود کشی کی . شاہ زیب نے پہلے اپنی 20 سال کی بہن شمائلہ سمیت دو بچیوں کو زہر دے کر موت کے گھاٹ اتارا پھر اپنی بیوی کو گولی مارنے کے بعد خود کو بھی گولی مار لی
مرنے والوں کا خط منظرعام پر آگیا، خط کے متن کے مطابق ہمارے قدم اٹھانے کی وجہ بابا کی موت کے بعد رشتہ داروں کا رویہ ہے، 6 ماہ سے رشتہ داروں سے مدد مانگ رہے تھے، کبھی راشن، کبھی دودھ کے لئے مدد مانگ رہے ہیں۔ خط کے مطابق رشتہ داروں نے کہا ہم سے مدد مت مانگو ہماراتم سے کوئی تعلق نہیں، ہم سب نے فیصلہ کیا ہے ہم اس دنیا میں مزید نہیں رہ سکتے۔
خط کا تقریباً مکمل متن یہ ہے
ہمارا یہ قدم اٹھانے کی وجہ
ہمارے بابا بعد ہمارے رشتہ داروں نے اتنا تنگ کیا کہ ہمیں کہتےکہ تمھارے بابا کو ہم نے مارا ہے . ہمارے پاس کوئی روزگار نہیں . ہم مانگ کر کھاتے ہیں کبھی راشن ، کبھی بچوں کا دودھ . سلنڈر میں گیس بھروانے کے پیسے بھی نہیں . ہماری خالاؤں اور ہمارے چاچوؤں نے اور ہمارے کزنز نے ہمیں ذلیل کر کے بلاک کردیا کہ ہم سے پیسے مت مانگو . ہمارا تم سے کوئی تعلق نہیں . یہ وہی لوگ ہیں جنہوں نے ہمارے بڑوں سے وعدہ کیا تھا کہ انکے کے جانے کے بعد ہمارا خیال رکھیں گے لیکن انہیں نے نہ ہی ہمارا خیال رکھا نہ نوکری دلوائی بلکہ بے یار و مددگار چھوڑ دیا . ہمیں اپنے گھر بھی نہیں آنے دیتے . ان سب باتوں کی وجہ سے ہم ڈپریشن میں چلے گئے . ہم سے اور برداشت نہیں ہوتا . ہم سب نے فیصلہ کیا ہے کہ اس دنیا میں نہیں رہیں گے . یہ کربلا ہے . ہم پے کالا جادو بھی کیا گیا . یہ ہماری خواھش ہے کہ جنکی وجہ سے ہمارے یہ حالات ہوئے انکو دنیا کے سامنے مثال بنایا جائے . اس ملک کے قانون سے ہمیں کوئی امید نہیں